नाशिक येथील गोंदे एमआयडीसी येथील मे. एम के डाईज अँड टूलिंग प्रायव्हेट लिमिटेड कंपनीतील ३१ कामगारांनी धडक कामगार युनियनचे संस्थापक महासचिव कामगार नेते अभिजीत राणे यांच्या प्रमुख उपस्थित धडक कामगार युनि
नाशिक येथील गोंदे एमआयडीसी येथील मे. एम के डाईज अँड टूलिंग प्रायव्हेट लिमिटेड कंपनीतील ३१ कामगारांनी धडक कामगार युनियनचे संस्थापक महासचिव कामगार नेते अभिजीत राणे यांच्या प्रमुख उपस्थित धडक कामगार युनियनचे सभासदत्व स्वीकारले. यावेळी कामगार नेते अभिजीत राणे व छावा क्रांतिवीर सेनेचे अध्यक्ष व धडक कामगार युनियनचे उपाध्यक्ष करण गायकर यांच्या हस्ते मे. एम के डाईज अँड टूलिंग प्रा. लि.च्या फलकाचे उद्घाटन झाले.
कामगार नेते अभिजीत राणे यांनी उपस्थित कामगारांना संबोधित करताना, आज अनेक ठिकाणी कामगारांची मोठ्या प्रमाणात पिळवणूक होत आहे. कामगारांकडून राबवून घेतले जाते,मात्र त्यांना योग्य मोबदला दिला जात नाही.एम के डाईज अँड टूलिंग कंपनीत कामगारांकडून अतिरिक्त काम करून घेतले गेले,मात्र गेल्या पाच वर्षांत पगारवाढ, दिवाळी बोनस,मेडिक्लेम तसेच पीएफ-ईएसआय संदर्भात योग्य माहिती देण्यात आली नाही.हा कामगारांवरील अन्याय असून धडक कामगार युनियनच्या माध्यमातून हा अन्याय दूर करण्यात येईल.”अशी भुमिका मांडली.
करण गायकर यांनी बोलताना सांगितले की, महाराष्ट्रात धडक कामगार युनियनने अनेक नामांकित उद्योगांमध्ये कामगारांना न्याय मिळवून देण्यासाठी प्रभावीपणे काम केले आहे.कामगारांचे हित जपत कंपनी आणि कामगार यांच्यात समन्वय साधण्याची भूमिका युनियनने नेहमीच घेतली आहे.कोणत्याही कामगारावर अन्याय किंवा उपासमारीची वेळ येऊ दिली नाही.त्यामुळेच एम के डाईज अँड टूलिंग कंपनीतील कामगारांनी युनियनवर विश्वास ठेवत सभासदत्व स्वीकारले.
या उद्घाटन सोहळ्यास अमोल राणे यांच्यासह युनियनचे सदस्य सुभाष गायकर, नवनाथ शिंदे,आशिष हिरे,प्रवीण पाटील,रवींद्र नेहाळकर व युवराज डोंगरे उपस्थित होते.
Comments