https://livemumbaimitra.com/?p=84962 📰 MUMBAI MITRA EXCLUSIVE ------ ● मराठी सक्तीचा निर्णय रद्द करा; अन्यथा राज्यभर आंदोलन ● धडक ऑटो रिक्षा टॅक्सी चालक मालक युनियनचा इशारा ----- विशेष प्रतिनिधी,

dhadakkamgarunion0
6 hours ago
2 min read

📰 *MUMBAI MITRA EXCLUSIVE*

------

● *मराठी सक्तीचा निर्णय रद्द करा; अन्यथा राज्यभर आंदोलन*

● धडक ऑटो रिक्षा टॅक्सी चालक मालक युनियनचा इशारा

-----

विशेष प्रतिनिधी, मुंबई

रिक्षा-टॅक्सी चालकांसाठी मराठी भाषा अनिवार्य करण्याच्या निर्णयाविरोधात धडक ऑटो रिक्षा टॅक्सी चालक मालक युनियन आक्रमक झाली असून, हा निर्णय तातडीने मागे न घेतल्यास राज्यव्यापी आंदोलन छेडण्याचा इशारा देण्यात आला आहे. युनियनचे संस्थापक महासचिव, कामगार नेते अभिजीत राणे यांनी ‌‘धडक‌’च्या सभासद असलेल्या मुंबईतील रिक्षा चालकांशी चर्चा केल्यानंतर शनिवारी एका विडीयोच्या माध्यमातून ही भूमिका स्पष्ट केली.

युनियनच्या मते, 1 मेपासून लागू होणारी मराठी सक्ती ही लाखो चालकांसाठी धोकादायक ठरणार आहे. अनेक चालक हे इतर राज्यांतून आलेले असून, त्यांना मराठीचे मर्यादित ज्ञान आहे. अशा परिस्थितीत भाषा निकष लावून परवाने रद्द करण्याची कारवाई झाली, तर हजारो कुटुंबांचा उदरनिर्वाह धोक्यात येऊ शकतो.

अभिजीत राणे म्हणाले की, राज्यात ॲप आधारित कॅब सेवा व बाइक टॅक्सी मोठ्या प्रमाणावर सुरू असून, त्यांच्यावर कठोर नियमांची अंमलबजावणी होत नाही. मात्र पारंपरिक रिक्षा-टॅक्सी चालकांवरच भाषेच्या नावाखाली बंधने लादली जात आहेत. हा दुजाभाव असून, यामागे खासगी कंपन्यांना फायदा करून देण्याचा प्रयत्न असल्याचा आरोप त्यांनी केला.

या सक्तीमुळे अनेक चालक बेरोजगार होऊ शकतात., कर्ज काढून रिक्षा/टॅक्सी घेतलेल्या चालकांवर आर्थिक ताण वाढेल., अचानक नियम बदलल्याने सामाजिक असंतोष निर्माण होण्याची शक्यता., स्थलांतरित कामगारांमध्ये असुरक्षिततेची भावना वाढण्याची शक्यता. आदी परिणाम होणार आहेत.

राज्यात सुमारे 15 लाख रिक्षा असून, त्यावर कोट्यवधी नागरिकांचा अप्रत्यक्ष उदरनिर्वाह अवलंबून आहे. चालकांनी सर्व नियम पाळून परवाने मिळवले असताना, नव्याने भाषा निकष लादणे अन्यायकारक असल्याचे युनियनचे मत आहे.

दरम्यान, या निर्णयाच्या निषेधार्थ राज्यभरातील रिक्षा-टॅक्सी चालकांच्या स्वाक्षऱ्या गोळा करण्याची मोहीम सुरू करण्यात आली असून, लवकरच परिवहन मंत्र्यांना निवेदन सादर केले जाणार आहे. त्यानंतरही निर्णय मागे न घेतल्यास मे महिन्याच्या सुरुवातीपासून मुंबईसह राज्यातील विविध भागांत तीव्र आंदोलन उभारण्यात येईल, असा इशारा युनियनने दिला आहे.

====

राज्यात ॲप आधारित कॅब सेवा व बाइक टॅक्सी मोठ्या प्रमाणावर सुरू असून, त्यांच्यावर कठोर नियमांची अंमलबजावणी होत नाही. मात्र पारंपरिक रिक्षा-टॅक्सी चालकांवरच भाषेच्या नावाखाली बंधने लादली जात आहेत. हा दुजाभाव असून, यामागे खासगी कंपन्यांना फायदा करून देण्याचा प्रयत्न आहे.

*-अभिजीत राणे*

संस्थापक महासचिव, धडक ऑटो रिक्षा टॅक्सी चालक मालक युनियन

====

#MarathiLanguageRow #TaxiDriversProtest #AutoRickshawUnion #MumbaiNews #TransportIssues #DriverRights #LanguagePolicy #IndiaNews #CabDrivers #BreakingNews #AbhijeetRane #DhadakAutoRikshowTaxiChalakMalakUnion