धडक कामगार युनिय आयोजित ठाणे योद्धा प्रीमियर लीग क्रिकेट सामन्यात टीडीसीबीए वकिलांच्या टीमने मारली बाजी विख्यात कामगार नेते अभिजीत राणे यांच्या हस्ते पुरस्कार वितरण * महापौर, उपमहापौर, उद्योजक,

धडक कामगार युनिय आयोजित

ठाणे योद्धा प्रीमियर लीग क्रिकेट सामन्यात टीडीसीबीए वकिलांच्या टीमने मारली बाजी

विख्यात कामगार नेते अभिजीत राणे यांच्या हस्ते पुरस्कार वितरण

* महापौर, उपमहापौर, उद्योजक, नेते मान्यवरांची उपस्थिती

* पत्रकार,पोलीस, डॉक्टर आणि महापालिकाचे रंगले सामने

ठाणे : वार्ताहर

समाजात विविध क्षेत्रात कार्यरत मान्यवर पत्रकार, वकील, डॉक्टर, पोलीस आणि महापालिका कर्मचारी यांचे रोमहर्षक क्रिकेट सामने महाशिवरात्रीच्या दिवशी रविवारी १५ फेब्रुवारी रोजी ठाणे पालिका ग्राउंड, गणपत दादू पाटील मैदान, वाघबीळ ठाणे येथे ठाणे योद्धा प्रीमियर लीग क्रिकेट सामने खेळविण्यात आले. या क्रिकेट स्पर्धेत टीडीसीबीए वकिलांच्या टीमने प्रथम क्रमांक पटकाविला. तर दुसरा क्रमांक रा मराठा वॉरीयर यांनी पटकाविला तर तिसरा क्रमांक रा कॉप फायटर टीमने पटकाविला. विजेत्या संघाना धडक कामगार यूनियन चे संस्थापक महासचिव अभिजीत राणे साहेब ,महापौर शर्मिला पिंपोलक्कर ,राष्ट्रवादी(शप) जिल्हाध्यक्ष मनोज प्रधान यांच्या हस्ते चषक देऊन सन्मान करण्यात आला होता. ठाणे योद्धा प्रीमियर लीगचे आयोजन धडक कामगार यूनियन आणि राज्यव्यापी साप्ताहिक वृत्तपत्र पत्रकार महासंघ यांच्या मार्गदर्शनाखाली त्यांच्या सहकारी टीमने केले होते.

वाघबीळ महापालिका ग्राउंडवर महाशिवरात्रीच्या दिवशी पाच सामने खेळविण्यात आले. यामध्ये १२ संघानी सहभाग घेतला होता. प्रेस ११ विरुद्ध रा मराठा वॉरियर , कॉप फायटर वि. टीएमसी स्टार, योद्धा जर्नालिस्ट वि. रॉयल प्लेयर्स (ठाणे बदलतंय), टीडीसीबीए (वकील) वि. ठाणे अग्निशमन दल, आणि टायटन हॉस्पिटल(डॉक्टर्स) वि. मराठी बाणा फाउंडेशन असे सामने रंगले होते. ठाणे योद्धा प्रीमियर लीग च्या क्रिकेट सामन्याला आवर्जून महापौर शर्मिला पिंपोळकर, उपमहापौर कृष्ण पाटील, राष्ट्रवादी(शप)गट जिल्हाध्यक्ष मनोज प्रधान, सिद्धिविनायक ट्रस्ट सदस्य राहुल लोंढे, उद्योजक आशिष मिस्त्री आणि धडक कामगार युनियनचे अधक्ष्य अभिजीत राणे आदींनी उपस्थिती दर्शविली.

क्रिकेट स्पर्धेत प्रथम क्रमांक मिळवणाऱ्या टीडीसीबीए (वकील) कॅप्टन बाबर आणि दुसरा क्रमांक पटकविणाऱ्या रा मराठा वॉरियर कॅप्टन हेमंत कांबळे याना चषक राष्ट्रवादी(शप)गट जिल्हाध्यक्ष मनोज प्रधान आणि धडक कामगार युनियनचे संचालक अभिजीत राणे यांच्या हस्ते देण्यात आले.तर तिसरा क्रमांक पटकाविणाऱ्या कॉप फायटर या पोलिसांच्या संघाला चषक महापौर शर्मिला पिंपोळकर यांच्या हस्ते देऊन संपूर्ण टीमचा सन्मान करण्यात आला. यावेळी महापौर पिंपोळकर यांनी ठाणे योद्धा प्रीमियर लीग आणि आयोजकांचे कौतुक केले. समाजातील महत्वाचे घटक असलेले डॉक्टर, वकील, पत्रकार, पोलीस आणि महापालिका कर्मचारी यांच्यातील क्रीडा गुणांना वाव देण्यासाठी अशा प्रकारचे सामने होणे गरजेचे असल्याची प्रतिक्रिया व्यक्त करून खेळाडूंचा सन्मान केला.