*कामगार अभिजीत राणे यांच्या ‘धडक’ भेटीनंतर ओशिवरा आगारातील 'चार्जिंग बॉय' कर्मचारी पुन्हा कामावर रुजू* ==== बृहन्मुंबई विद्युत पुरवठा आणि परिवहन उपक्रम (बेस्ट) अंतर्गत ओशिवरा आगार येथे कार्यरत असलेल्य

*कामगार अभिजीत राणे यांच्या ‘धडक’ भेटीनंतर ओशिवरा आगारातील 'चार्जिंग बॉय' कर्मचारी पुन्हा कामावर रुजू*

====

बृहन्मुंबई विद्युत पुरवठा आणि परिवहन उपक्रम (बेस्ट) अंतर्गत ओशिवरा आगार येथे कार्यरत असलेल्या 'मोरया ट्रान्स इंडिया प्रायव्हेट लिमिटेड'च्या चार्जिंग बॉय कर्मचाऱ्यांवरील अन्यायाला वाचा फोडण्यात धडक कामगार युनियनला यश आले आहे. युनियनचे संस्थापक महासचिव कामगार नेते अभिजीत राणे यांच्या आक्रमक पवित्र्यामुळे कामावरून कमी केलेल्या कर्मचाऱ्यांना अखेर न्याय मिळाला असून ते पुन्हा कामावर रुजू झाले आहेत.

ओशिवरा आगारातील वाहतूक विभागात चार्जिंग बॉय म्हणून काम करणाऱ्या काही कर्मचाऱ्यांना कोणतीही पूर्वसूचना किंवा ठोस कारण न देता व्यवस्थापनाकडून कामावरून कमी करण्यात आले होते. अचानक ओढवलेल्या या संकटामुळे कर्मचाऱ्यांसमोर उदरनिर्वाहाचा प्रश्न निर्माण झाला होता. या अन्यायाविरुद्ध दाद मागण्यासाठी सर्व कर्मचाऱ्यांनी धडक कामगार युनियनचे सरचिटणीस अभिजीत राणे यांची भेट घेतली होती.

त्यानंतर अभिजीत राणे यांनी या प्रकरणाची गंभीर दखल घेत, त्यांनी तातडीने ओशिवरा आगार व्यवस्थापकांची भेट घेऊन या विषयावर सविस्तर चर्चा केली. "प्रामाणिकपणे काम करणाऱ्या कामगारांना अशा प्रकारे कामावरून काढून टाकणे अन्यायकारक आहे," असे ठणकावून सांगत त्यांनी या कर्मचाऱ्यांना तात्काळ पुन्हा कामावर घेण्याची आग्रही मागणी केली.

अभिजीत राणे यांच्या यशस्वी शिष्टाईनंतर आणि युनियनच्या पाठपुराव्यामुळे व्यवस्थापनाने नमती भूमिका घेतली. परिणामी, संबंधित सर्व कर्मचाऱ्यांना पुन्हा कामावर सामावून घेण्याचा निर्णय घेण्यात आला. आपला रोजगार परत मिळाल्याने कर्मचाऱ्यांमध्ये आनंदाचे वातावरण पसरले असून, त्यांनी अभिजीत राणे आणि धडक कामगार युनियनचे मनापासून आभार मानले आहेत.

#AbhijeetRane #AR #DhadakKamgarUnion #BEST #BMC #OshiwaraDepot #MoryaTransIndia #WorkersRights #LabourSupport #EmployeeJustice #MumbaiWorkers